Search form

MATA 1

MATA Dɔgl Rɔb yɔ Mata bįį MATA 1

1Yeesu Kristu ɗɛntɛ ɔ̧ɔ̧ zaŋgya̧ dɔgl gɛrɛ. Yeesu Kristu zaŋgɔ fu̧u̧ a Dawda dɔ̧ɔ̧t du. Dawda be zaŋgɔ fu̧u̧ a Abraham ge.

2Abraham mɔɔ Isaaku. Isaaku mɔɔ Yakuba. Yakuba mɔɔ Yahuda hi hindaɔ hiya hi yɛ̧ɛ̧dɛ ɔ̧ɔ̧. 3Yahuda mɔɔ Farɛs hi Zaara (naaya̧ gɛ Tamar). Farɛs mɔɔ Hesrun. Hesrun mɔɔ Aram. 4Aram mɔɔ Aminadab. Aminadab mɔɔ Naasun. Naasun mɔɔ Salmuna. 5Salmuna mɔɔ Bowas (nɔɔtɔ gɛ Rahab). Bowas mɔɔ Obɛd (nɔɔtɔ gɛ Rud). Obɛd mɔɔ Yɛsa. 6Yɛsa mɔɔ waar gbɔɔl bɔ Dawda.

Dawda mɔɔ Sulemaanu (nɔɔtɔ gɛ Uriya nistɔ). 7Sulemaanu mɔɔ Robowam. Robowam mɔɔ Abiya. Abiya mɔɔ Asa. 8Asa mɔɔ Yusufat. Yusufat mɔɔ Zoram. Zoram mɔɔ Uziya. 9Uziya mɔɔ Zotama. Zotama mɔɔ Akas. Akas mɔɔ Hezekiya. 10Hezekiya mɔɔ Manase. Manase mɔɔ Amɔŋ. Amɔŋ mɔɔ Zoziyas.

11Zoziyas mɔɔ Zekuniya hi yɛ̧ɛ̧dɛ ɔ̧ɔ̧ a wɛlyɔ hi tuus Israhilaya wɔ a hi hɛbt du hi ka̧hi a Baabila gedu. 12Yɔ hi kam Israhilaya wɔ a Baabila, Zekuniya mɔɔ Salatiyɛl. Salatiyɛl mɔɔ Zorobabɛl. 13Zorobabɛl mɔɔ Abihuda. Abihuda mɔɔ Elyakim. Elyakim mɔɔ Azora. 14Azora mɔɔ Zadoka. Zadoka mɔɔ Akim. Akim mɔɔ Elyuda.

15Elyuda mɔɔ Eliyazar. Eliyazar mɔɔ Matan. Matan mɔɔ Yakuba. 16Yakuba mɔɔ Mariyama waltɔ Yusufu. Mariyama gii mɔɔ Yeesu yɔ nuŋgɔ a Masihu, raakɔ a Za̧a̧nyɔ Bɛt yaazige. 17Zaŋgɔ baar a Abraham ge gi tuur a Dawda ge, baa zaŋg koobl daa nasɔ. Yɔ baar a Dawda ge gi tuur a wɛl yɔ hi tuus Israhilaya wɔ a hi hɛbt du hi ka̧hi a Baabila gedu baa zaŋg koobl daa nas be, yɔ baar a Israhilaya wɔ kaŋkya̧ bɔ Baabila gedu gi tuur a Yeesu Masihu zaŋgɔ bɔ gedu gi zaŋg koobl daa nas be.

18Yeesu Kristu mɔɔkɔ bɔ tuur anyɔ lɛ: yɔ nɔɔtɔ Mari-yama gi Yusufu gbaagɔ, hi ɔksir nɛ gɛ, zɛm Mariyama buud ma hi Bɛt Mɔkilɔ tɛŋkɔ. 19Yɔ gbaagɔ Yusufu gi ɗɔbsig Bɛt hi rɔb be, wɛɛ gi hā̧ā̧ge an gi ha̧a̧n Mariyama seem a dood lɔlgbar gɛ, mɔk an gi hɛɛtin hi gii bɔ doo gi mɛɛ. 20Anyɔ gi mɔkig hin anbɔ, Waar Bɛtwalsɛr za zaa ge a yorum du raage

a mɔɔ Yusufu Dawda waawalɔ, bɔ hoob gi ha̧a̧mɔ Mariyama look an nis mɔ. Bud waa bɔ hi Bɛt Mɔkilɔ tɛŋk ɔ̧ɔ̧nɛ. 21Gi mɔɔ waawalɔ mɔ dɔ̧ɔ̧sig nuŋgɔ a Yeesu gii gi za̧a̧s doodɔ a hinha̧a̧lya̧ wɔ gedu.

22Hin wɔrɔ sɛw hi tuur an hinyɔ Waar Bɛt dɔg a ya̧a̧kɛŋkɔya bɔ gi ya̧a̧ du gi wooyyɔ

23a yɛrɛ nis bɔ mɛɛ walya̧a̧ gɛ gi budɔ, gi mɔɔ waawalɔ hi dɔ̧ɔ̧sig nuŋgɔ a Emanuyɛl, hinɔ raakɔ a Bɛt gi hi wɛya.

24Yusufu yɔ rɛmɔ woo anyɔ Bɛtwalsɛr bɔ raage, wɛɛ loo Mariyama kaŋg gɔ gi lɛlɛ. 25Yɔ anbɔ nis bɔ mɔɔ waa bɔ kete, ɓɔr hi ɔɔ ɔksig lɛlgbunu. Yusufu wɛɛ dɔ̧ɔ̧s waa bɔ nuŋgɔ a Yeesu.

Nouveau Testament Doyayo

© Alliance Biblique du Cameroun 1991

More Info | Version Index